support@dailyagronews.com      +91-8484924178

खानदेशात मका, गव्हाच्या दरात सुधारणा

खानदेशात मका, गव्हाच्या दरात सुधारणा
By: Agro_market Posted On: May 22, 2020 View: 15

खानदेशात मका, गव्हाच्या दरात सुधारणा

जळगाव : खानदेशात मका व गव्हाच्या दरात सुधारणा होत आहे. बाजारातील आवकही कमी होत आहे. मक्‍याचे दर प्रतिक्विंटल १२०० रुपये, तर गव्हाचे दर प्रतिक्विंटल १८५० रुपयांपर्यंत पोचले आहेत. 

मक्‍यासाठी जळगावमधील चोपडा, अमळनेर, जळगाव, मुक्ताईनगर, रावेर येथील बाजार प्रसिद्ध आहे. तर, गव्हासाठी जळगावमधील अमळनेर, चोपडा, धुळ्यातील शिरपूर, दोंडाईचा (ता.शिंदखेडा) व नंदुरबारमधील शहादा, नंदुरबार हे बाजार प्रसिद्ध आहेत. अमळनेर येथील बाजार समिती मध्यंतरी कोरोनाचे संकट लक्षात घेता बंद होती. ही बाजार समिती सोमवारी (ता.१८) सुरू झाली आहे. यामुळे या बाजारातील मका, गव्हाची आवक, पुरवठा सुरू झाला आहे. दरात सुधारणा दिसत आहे. 

अमळनेरच्या बाजारात या आठवड्यात प्रतिदिन सरासरी अडीच हजार क्विंटल गव्हाची, तर मक्‍याची चार हजार क्विंटल आवक झाली आहे. तेथे मक्‍याच्या दरात सुधारणा दिसल्याने इतर बाजारांमध्येही दरात सुधारणा झाली आहे. तेथे मक्‍याला प्रतिक्विंटल किमान ११३० ते कमाल १२०० रुपये प्रतिक्विंटलचे दर मिळाले. यामुळे जळगाव, चोपडा येथील बाजारातही मका दरात सुधारणा होत आहे. दर १००० रुपयांवरून १२०० पर्यंत पोचले आहेत. 

लोकवन गव्हाचे दरही मध्यंतरी १६५० रुपये प्रतिक्विंटलपर्यंत खाली आले होते. त्यात मागील चार-पाच दिवसांत सुधारणा होत आहे. दर १८५० रुपयांपर्यंत पोचले आहेत. दरात आणखी सुधारणा होवू शकते. कारण, मक्‍यासह गव्हाची बाजारांमधील आवक कमी झाली आहे. 
 

  Contact Us
  Dailyagronews.com.

Botawala Chambers , Fort-Mumbai

Tel : + (91) - 8484924178
Mail : support@dailyagronews.com
Business Hours : 9:30 - 5:30

  About

Dailyagronews is a dedicated platform for Exclusive Agriculture News , Now stay in touch with latest happenings in Agriculture . This site is a work of team of technocrafts wanted to help the farming community by contributing something helpful to them. Join this unique platform by contributing the agro news , we will be happy to make it viral